حسن حسني، منح الدور الثاني قيمة البطولة

مش عارف عيني دمعت ليه وانا بكتب البوست ده، أطول بوست هاكتبه .. فى حبك ياعم حسن، الله يرحمك يا صانع النجوم، هذا هو حسن حسنى صانع طفولتنا ومراهقتنا وحاضرنا

حسن حسنى الله يرحمه وقف فى تكريمه من سنه وقال الحمد لله انى اتكرمت قبل ما اموت .. ويمكن دى كانت اللافته الوحيده الكويسه اللى حصلت .. لان فعلا مش بنكرم حد الا لما يموت،

انا فاكر كويس اوووى .. بعد عرض مسلسل رحيم .. وظهور حسن حسنى بعلامات كبر السن .. كتبت بوست قلت مش هانحس بقيمته الا لما يموت .. لانه هو الراجل اللى شال الفن الكوميدي على كتافه فى اخر 25 سنه على الاقل

انت مفكرنى ببالغ لانى بتكلم عنه يوم وفاته ؟ طب كمل البوست وهاتعرف ان هو من صنع مصطلح البطوووله لممثل دور ثانى
هو اللى صنع مصطلح انه يبقي مش بطل العمل .. بس هو اللى بينجحه، هو اللى صنع نجوم جيلك اللى بتتفرج عليهم دلوقتى

حسن حسني دور السنيد

عم حسن عمل اكتر من 650 عمل .. تلفزيونى واذاعى ومسرحى وسينمائى، متخيل التاريخ .. متخيل العدد؟ تعالى كده فى رحلة .. نفتكر ذكرياتنا مع عم حسن حسنى

في السينما لازم هاتفتكر :

هاتفتكر الصول فهيم .. فى فيلم البرىء بتاع احمد ذكي
مساعد وزير الداخليه .. فى فيلم زوجة رجل مهم بتاع احمد ذكى
وبرضو مساعد الوزير .. فى فيلم الهروب لاحمد ذكي
ابراهيم النص .. شيال الميناء .. فيلم الظالم والمظلوم لنور الشريف
مدير البنك بتاع الكوكاكيين :D فى فيلم بخيت وعديله مع عادل امام

حسن حسني فيلم البرئ

وطبعا عبده ..الاب اللى بيرخم على ابنه فى فيلم عبود على الحدود :D
والاستاذ سيد فى فيلم الناظر ... بحبك يا ست جواهر :)
شكري بيه .. فيلم جواز بقرار جمهوري ..
شاكر المحامى .. فيلم افريكانو مع احمد السقا
الحج عبد الرحيم النوسانى .. فيلم محامى خلع مع هانى رمزى
طبعااا عم بخ فى اللمبى ... بابا ماماتش مقتول :)
ضبش بتاع المخلل ... فيلم كلم ماما .. مع عبله كامل
حسنين الجبالى .. فيلم عسكر فى المعسكر .. أبا انا عاوز اتچووز :)
الظابط أدهم .. فيلم اللى بالى بالك مع محمد سعد


اللوا نجدت .. فيلم الباشا تلميذ .. يا فاشل . يا فاشل . يا فاااشل :)
ببلاوى .. فيلم يانا يا خالتى مع محمد هنيدي .. الراجل دا كريم اوى يا بابا :)
الاستاذ عيد سعيد رمضان .. فيلم عيال حبيبه مع حمادة هلال
الاستاذ سالم .. فيلم زكى شان مع احمد حلمى
المعلم فرج .. اللى يعرف محروس الضبع :D فيلم بوحه مع محمد سعد
اللوا كامل .. خلاص يا سيدي شكرا كفااايه :D فيلم كتكوت مع محمد سعد
ادهم .. الاب البخيل فى فيلم جعلتنى مجرما مع احمد حلمى ..
الحج وهدان حلاقولو .. سمعنا انك محامى متصيط :D فيلم اللمبى 8 جيجا محمد سعد

حسن حسني عبدو مشتاق

فى التلفزيون بقى ... لازم تفتكر: عبده مشتاااااق .. المسلسل الرمضانى الجميل .. ناس وناس

الصول شرابى .. المال والبنون :)
شريف الكاشف فى مسلسل بوابة الحلوانى
عم وفائى .. فى رائعة الدراما المصريه ارابيسك
ياسين ابو سمانه .. مسلسل ابو العلا 90
عمرااان الجارحى .. مسلسل حلم الجنوبي والرائع صلاح السعدنى
حشمت باشا .. المسلسل التاريخي جمهورية زفتى
عم سيد .. المسلسل العائلى اللى اثر في حياتنا .. مسلسل العائله مع صابرين
الريس عبد الواحد .. مسلسل رد قلبي
الاستاذ بطرس .. مسلسل يا رجال العالم اتحدوا .. يا الله عالذكريات
مرشدى .. مسلسل رد قلبى مع يسرا وبدايات مى عز الدين
ذكري النجار .. مسلسل الاب الروحى الجزء الثانى
وطبعا بدر السيوفي .. مسلسل رحيم

حسن حسني مسرحية عفروتو

فى المسرح بقى ... شال نجووووم كتير اوى

الوكيل .. فى مسرحية عفروتو
الزواوى فى حزمنى يا
اعقل يا مجنون مع محمد نجم
جوز ولوز مع احمد بدير

تعالى بقى اثبتلك انه هو صانع نجوم جيلك الحالى

وان هو سبب نجاح افلام ومسلسلات اخر 20 سنه
وانه صاحب الدور الثانى اللى كان اقوى من دور البطولة

حسن حسني يانا يا خالتي

مع محمد هنيدي ..كان نجم اعمال محمد هنيدي وشارك فى الاعمال التاليه :

مسرحية عفروتو
مسرحية حزمنى يا
فيلم عسكر فى المعسكر
فيلم يانا يا خالتى
مسلسل سوبر هنيدي

مع محمد سعد .. كان هو سبب نجوميته وشارك فى الاعمال التاليه

فيلم اللمبى
فيلم اللى بالى بالك
فيلم الناظر
فيلم عوكل
فيلم كتكوت
فيلم كركر
فيلم بوحه
فيلم اللمبى 8 جيجا
فيلم حياتى مبهدلة
فيلم تحت الترابيزه
مسرحية صبح صبح

حسن حسني جعلتني مجرما

ولو ركزت فى كل عمل .. هاتكتشف ان الافيهات والفشات ونجاح العمل كان بسبب حسن حسني مع احمد حلمى ... شوف وراجع :

فيلم جعتلنى مجرما
فيلم زكي شان
فيلم ميدو مشاكل
فيلم الناظر
فيلم عبود على الحدود

فيلم على جثتي مع هانى رمزى .. كان جزء من نجوميته فعلا :

فيلم قسطى بيوجعنى
فيلم نوم التلات
فيلم غبى منه فيه
فيلم توم وجيمي
فيلم الرجل الغامض بسلامته
فيلم جواز بقرار جمهورى
فيلم محامى خلع
فيلم صعيدي رايح جاى
فيلم اسد واربع قطط
وبرضو راجع الافلام .. هتلاقى ان شهرتها ونجاحها كان بسبب حسن حسني

حسن حسني أسد وأربع قطط

بالمناسبة كل اللى كتبته .. كانت حاجات مختارات من تاريخه، انت لو دخلت موقع ( السينما ) وبحثت عن حسن حسنى وراجعت اعماله .. هاتكتشف ان عالاقل اخر 20 سنه مفيش فيلم او مسلسل الا وشارك فيه، وهاتكتشف ان الجيل بتاعنا افلامه وقفشاته وكرياته كلها مع اعمال شارك فيها حسن حسنى

الله يرحمك يا عم حسن

شجرة جيلنا وذكرياتنا .. عماله تقع ورقة ورا التانيه
حسن حسنى .. يوسف داوود .. خيرية احمد .. محمد شرف .. جمال اسماعيل .. سعيد طرابيك .. عزت ابو عوف .. يونس شلبي .. محمد نجم .. حسين الامام .. فاروق الفيشاوى .. وائل نور .. طلعت زكريا .. حسين الشربيني .. نور الشريف .. محمود عبد العزيز .. سعيد صالح .. جميل راتب .. سعاد نصر .. شعبان حسين .. ممدوح وافى .. سامى العدل .. مظهر ابو النجا ..
والذاكرة تتسع للكثيرين ممن حملوا معهم ذكريات اجيال من بداية السبعينات وحتى مواليد بداية التسعينات ..

الله يرحمهم جميعا