لوحة مصرية قديمة: الكاتب

كاتب مصري .. اسطي ومعلم في شغلته واخد دايما احتياطاته .. معاه كذا فرشاة للكتابة واحدة للون الأحمر و التانية للأسود وواحدة احتياطي حاططهم ورا ودنه في مشهد رائع .. معاه كذا لفافة بردي علشان لو النص كان كبير ميقولش الورق خلص، والامر الملفت انه وهو ماسك الفرشاه ماسك في راحة ايده اسفنجة مرنة لعدم إرهاق اعصاب ايده من الكتابة وكمان ظاهرة جديلة او حبل قوي مثبته برجله علشان اللوح يبقي ثابت ومتطلعش الكتابة مهزوزة، 
المنظر من مقبرة كاجمني - الأسرة السادسة - سقارة.